HAMRODESH.COM “HamroDesh, HamroPran”

विश्व प्रसिद्ध सफ्टवेयर उत्पादक ‘माइक्रोसफ्ट’ ले दशक लामो प्रयासपछि यही वर्षभित्र इन्टरनेटमार्फत टेलिभिजन च्यानललाई बगाउने तयारी गरेको छ। ‘हाई स्पिड इन्टरनेट नेटवर्क’ का माध्यमबाट यो योजनालाई मूर्तरूप दिने अन्तिम तयारी भएको उक्त कम्पनीले जनाएको छ। ‘इन्टरनेट प्रोटोकल टीभी’ नामकरण गरिने यो प्रविधि सफल भए यससँग जोडिएका थुप्रै टेलिफोन कम्पनीका निम्ति भाग्यको भण्डारसमेत खुल्ने छ। जसले घर-घरमा टेलिभिजन च्यानलहरू बगाउँदै आएको केबुल नेटवर्कलाई ठाडो चुनौती दिनेछ। यतिबेला ‘यु ट्युब’ मार्फत बग्दै आएको भिडियो क्लिपहरू अपलोड गरेर टीभीको आनन्द लिने काम भइरहेको छ। तर यो प्रविधि सफल भएपछि भने फोन कम्पनीमार्फत वेबको मुख्य राजमार्गबाटै बगाइने टेलिभिजन ठीक त्यसैगरी हेर्न पाइनेछ, जसरी अहिले केबुल टीभी वा स्याटेलाइट टीभीमार्फत हामीले टेलिभिजन च्यानलहरू उपभोग गर्दै आइरहेका छौं। अहिलेको युगमा इन्टरनेट नजोडिएको कम्प्युटरको हालत जस्तो हुन्छ ठीक त्यस्तै हालत आफ्नो योजना लागू भएपछि ‘इन्टरनेट प्रोटोकल’ नजोडिएको टेलिभिजन सेटको बनाउने तयारी माइक्रोसफ्टको छ। यतिबेलासम्म माइक्रोसफ्टको यो योजनामा बाह्रवटा अन्तर्राष्ट्रिय टेलिफोन कम्पनीहरूले साझेदारी जनाइसकेका छन्। माइक्रोसफ्टले आफ्नो यो योजनाका साथ यस्ता सफ्टवेयरहरूको समेत विकास गर्न लागेको छ जसबाट घरको टेलिभिजन सेटबाटै इमेल, खरिददारी र ‘इन्स्टेन्ट म्यासेज’ गर्नेजस्ता कामसमेत गर्न सकिने छ। ‘कम्प्युटरको घेराबाट नाघेर यो सेवाले विश्वभरिका टेलिभिजन सेटहरूमा समेत प्रवेश गर्‍यो भने, ‘माइक्रोसफ्टका प्रमुख कार्यकारी स्टिभ बालमर भन्छन्- ‘तपाई अन्दाज गर्न सक्नुहुन्न यसको दायरा कति फराकिलो हुनेछ।’ यस किसिमको सेवा माइक्रोसफ्टले पहिले नै टेलिभिजन सेटहरूमा बगाउन खोजे पनि त्यो प्रभावकारी नभएको अवस्थामा ‘इन्टरनेट प्रोटोकल’ ले त्यसलाई साकार पार्ने विश्वास उक्त कम्पनीको छ। औद्योगिक अनुसन्धान कम्पनी ‘गार्टनर’ ले यो सेवा सुरु भएपछि सन् २०१० भित्रमै इन्टरनेट प्रोटोकलको पाँच करोड उपभोक्ता हुने र त्यसबाट १३ खर्ब अमेरिकी डलर आम्दानी हुने भविष्यवाणीसमेत अहिले नै गरिसकेको छ।

साभार: कान्तिपुर

केहि दिन अगाडि एउटा टेलिभिजन च्यानलले "कण्डम"को सहि प्रयोग हुन नस्कदा बालबालिकाको मनोरञ्जनको समाग्री बन्यो भन्दै कराएको सुनेको/देखेको थिए। त्यो घटना थियो रेडक्रसले बाढीपीडितहरूलाई राहत सामाग्री बाढ्दा खेरीको। त्यो दिन चेतनाको अभाव हो भन्ने लागेको थियो। आज फेरी अर्को सामाग्री गोरखापत्रमा पढ्न पाएँ। लेखिएको रहेछ "कण्डम खेलमा ढालबहादुर प्रथम"।

दोलखाको चरिकोटमा असोज २८ गते भएको जनचेतना अभिवृद्धि कार्यक्रम अन्तर्गत उक्त खेल खेलाइएको रहेछ। अब अचम्म के भने बालबालिकाले त थाहा नपाए त्यसो गरे भने यहाँ रेडक्रसले नै त्यस्तो गर्न लगाएको रहेछ अब यसलाइ के भन्ने?

जनचेतना जगाउन त जसको जे प्रयोग हो त्यो प्रति लक्षित हुनु पर्ने ठाउँमा यसरी फुलाउन लगाएर जनचेतना कत्तिको फैलिन्छ कुन्नि! गलत अर्थ नलगाइयोस्। शैक्षिक उपाय अपनाइयोस् मात्र भन्न खोजेको।

गोरखापत्रको समाचार यस्तो छ।

कन्डम खेलमा ढालबहादुर प्रथम: दोलखा समाचारदाता

चरिकोट, असोज २८ गते। कन्डम सुरक्षित, भरपर्दो र बलियो हुन्छ भन्ने जनचेतना अभिवृद्धि गराउन नेपाल रेडक्रस सोसाइटी उपशाखा चरिकोटले आयोजना गरको ‘कन्डम खेल’ मा ढालबहादुर थामीले प्रथम स्थान हासिल गरे। एक मिनेटको अवधिमा नफुटाइकन कन्डम सबभन्दा ठूलो फुलाएर देखाइदिने ढालबहादु धामीभए भने आङ्निमा शेर्पा द्वितीय र पुरूषोत्तम न्यौपाने तृतीय भए।

१२औं राष्ट्रिय कन्डम दिवसको अवसरमा खेलिएको खेलमा नौ जनाले भाग लिएका थिए। विजयी प्रथम,द्वितीय र तृतीयलाई प्रमुख जिल्ला अधिकारी उद्धवबहादुर थापाले क्रमश: तीन सय, दुई सय र एकसर रूपियाँ नगद वितरण गर्नु भयो।

जनमानसमा लुकेर रहेको शङ्कालु भावना हटाई कन्डमको प्रयोग गर्न लगाउन एक हप्ताव्यापी कार्यक्रमको आज अन्तिम दिन दोहोरो सुरक्षाका लागि कन्डम प्रयोग गरौं भन्ने नारासहित सदरमुकाम चरिकोमा एक र्‌यालि गरिएको आयोजकले बताए।